Call for Candidate Sites
Cynllun Datblygu Lleol Newydd (CDLlN) Torfaen 2022-37
Galwad am Safleoedd Ymgeisiol 1 Awst – 26 Medi 2023
Sylwer bod yr holl wybodaeth y gofynnir amdani ar y ffurflen cyflwyno safle ymgeisiol yn angenrheidiol er mwyn i’r Cyngor allu cynnal asesiad o’r safle a gyflwynir, yn unol â’r fethodoleg a gyhoeddwyd. Mae’n bwysig, felly, fod pob cwestiwn yn cael ei ateb a bod yr holl wybodaeth angenrheidiol yn cael ei rhoi.
Rhaid llenwi ffurflen cynnig safle ymgeisiol ar wahân ar gyfer pob safle a gyflwynir.
Os cynigir defnydd gwahanol ar gyfer yr un safle, bydd gofyn llenwi ffurflen cynnig safle ymgeisiol ar wahân ar gyfer pob defnydd.
Wrth dderbyn cynigion, nid yw’r Cyngor yn gwarantu y bydd y safle ymgeisiol yn cael ei gynnwys (ei ddyrannu) yn y Cynllun Datblygu Lleol Newydd (CDLlN). Bydd gofyn asesu pob safle yn unol â’r Fethodoleg Asesu Safleoedd Ymgeisiol (Mai 2023).
Mae’r Cyngor wedi cyhoeddi Nodyn Canllaw ar gyfer Cyflwyno Safle Ymgeisiol (Mai 2023) ac mae ar gael ynghyd â’r fethodoleg asesu a nodiadau canllaw perthnasol eraill, ar wefan y Cyngor - Cynllun Datblygu Lleol Newydd Torfaen: Safleoedd Ymgeisiol | Cyngor Bwrdeistref Sirol Torfaen
Unwaith y byddwch wedi dechrau llenwi’r ffurflen hon, bydd yn arbed yn awtomatig er mwyn i chi allu ei llenwi dros fwy nag un sesiwn os oes angen gwneud hynny arnoch.
Os ydych yn cael trafferth wrth ddefnyddio’r system, rhowch dro ar ein canllaw cymorth.
Gwybodaeth Bersonol
Ar 25 Mai 2018 daeth y Rheoliad Cyffredinol ar Ddiogelu Data (GDPR) i rym gan gyflwyno cyfyngiadau newydd ar y modd y mae sefydliadau’n gallu dal eich data personol, a’u defnyddio. Roedd hefyd yn diffinio eich hawliau o ran y data hwn.
Er mwyn cyflwyno safleoedd, mae gofyn i chi ddarparu data personol, gan gynnwys enwau a gwybodaeth gyswllt ar gyfer perchnogion tir ac asiantau. Ni dderbynnir ffurflenni a gyflwynir yn ddienw. Byddwn yn trin yr holl wybodaeth bersonol yn unol â’n Hysbysiad Preifatrwydd ar gyfer y CDLlN PN139 - Hysbysiad Preifatrwydd Cynllun Datblygu Lleol Newydd | Cyngor Bwrdeistref Sirol Torfaen yn unol â’r Rheoliad Cyffredinol ar Ddiogelu Data (GDPR).
Ffurflen Cyflwyno Safle ar gyfer Yr Alwad am Safleoedd Ymgeisiol
Os ydych yn cael trafferth wrth ddefnyddio’r system, rhowch dro ar ein canllaw cymorth.
